【Emily】屠海鳴蔡加讚李民斌 做政協專委會副主任
[2023.03.13] 發表
【明報專訊】全國政協常委會噚日召開會議，討論政協轄下嘅專門委員會主任及副主任名單。有8名港區政協將會出任專委會副主任，比較矚目嘅，包括經常喺報章撰文嘅香港新時代發展智庫主席屠海鳴(左圖)，以及新晉「富二代」、東亞銀行聯席行政總裁李民斌，同「玩具大王」蔡志明獨子、星島新聞集團主席蔡加讚(右圖)。
共包括8港政協
有政協常委向Emily確認，8名出任專委員副主任嘅港區政協包括匯豐銀行主席王冬勝、李民斌、信和主席黃志祥、蔡加讚、工聯會理事長黃國、香港深圳社團總會會長鄧清河、屠海鳴，同埋香港考評局主席容永祺；其中王冬勝、黃志祥及容永祺都係連任，而已「退常」嘅長和主席李澤鉅就唔喺名單內。8人名單中以屠海鳴較受其他政協注目，來自內地嘅屠海鳴經常喺報章撰寫時評，聽聞深得官方讚賞，佢前年曾經參選選委會界別立法會議員，最後落敗。
全國政協設有10個專門委員會，每個委員會設主任和多名副主任，佢哋享有與全國政協常委相同待遇，可列席政協常委會會議及相應酒店住宿安排，但無投票權。
更多港聞
【Emily】一比一劣居房 社協推「侷住體驗館」
【明報專訊】香港基層居住問題惡劣眾所周知，但未必所有人都親身體驗過。社區組織協會今年推出「侷住體驗館」，除展示「一比一」基層住屋實境，包括板... 詳情
【Emily】財委會主席：批款唔係議員「業績」
【明報專訊】立法會財務委員會每個年度會總結全年批出嘅項目同金額，唔少人會留意批幾多錢、用幾多會議時間批出撥款等，新接任財委會主席嘅陳振英（金... 詳情
【明報專訊】全面開關後，香港法律界都「走出去」推銷香港。副律政司長張國鈞（Horace）5日內去咗意大利、奧地利、瑞士同荷蘭歐洲四國，同多個...
詳情
相關新聞
