【Emily】話搵海外法官要變 議員倡要識中國文化
[2023.02.14] 發表
【明報專訊】立法會一個委員會噚日討論委任澳洲退休法官祈顯義(Patrick Keane)做終審法院非常任法官嘅建議，唔少議員發言支持之餘，又趁機要求司法機構以後搵海外法官時要改變一下。
本身係律師嘅選委會界別謝偉俊話，去到終審法院已經唔止係講法律，而係講價值觀，建議日後要搵更多講到香港語言、明白中國文化嘅海外法官人選，避免扭曲社會價值觀，又建議司法機構可以搵「有華人背景、甚至對華人親善嘅法官」，而唔係搵「敵視執政黨」嘅人做非常任法官。
工聯會梁子穎仲搬埋電影《毒舌大狀》中英翻譯唔同出嚟，話文化差異影響法庭運作，希望「律政司委任前」(實為司法人員推薦委員會推薦、特首委任)關注有關問題。
何君堯倡試委加勒比海地區法官
一向要求試吓委任其他普通法地區法官嘅何君堯就話，加勒比海地區都有好多英聯邦國家行普通法，質疑司法機構太狹隘、「人才庫可以闊一啲」。
司法機構政務長梁悅賢就解釋，新加坡同馬來西亞等地同香港法制距離較大，不過如果有合適人選，司法機構都會逐個考慮，唔會話排拒某個普通法國家嘅人選。
更多港聞
明復課飯盒或亂 小學備乾糧 大家樂：已調人手盼盡快派校
【明報專訊】全港小學明天起恢復全日面授，午膳飯盒需求增加。學校午膳供應商之一大家樂集團旗下「活力午餐」日前人手安排緊張，有學校上周稱飯盒未如... 詳情
【明報專訊】教育局與旅遊發展局合辦「香港旅遊業學生峰會2022/23」，以文化旅遊為主題。教育局長蔡若蓮上周六（11日）於開幕禮致辭稱，開辦...
詳情
【明報專訊】第二屆「香港浸會大學新聞工作者訪問學人」（PJF@HKBU）計劃昨起至4月7日接受報名，為在職新聞工作者提供於浸大休假進修的機會...
詳情
相關新聞
