【Emily】真人故事改編 2000師生睇 懲教音樂劇講反修例者更生
[2022.12.17] 發表
【明報專訊】懲教署噚日喺伊利沙伯體育館舉行「更生先鋒計劃」嘅《「導」出新TEEN地》青少年音樂劇場，宣揚奉公守法嘅重要，邀請咗40間中學超過2000個師生一齊睇。懲教署話音樂劇係以2019年反修例運動為背景，真人真事改編，劇中主角因吸毒同參加社運被判入獄，喺獄中反省後決心改過，最後努力追夢。
藍本真人獄中反省 現大灣區打工
Emily都有一齊睇，大部分篇幅都係主角喺獄中嘅心路歷程，涉及反修例運動嘅內容唔算多，只呈現咗主角被捕一刻，而劇中嘅互動問答環節，啲問題亦無涉及反修例，例如「吸毒係唔係犯法」等，其中亦有「宣傳」環節，問到若作為家長，會唔會鼓勵仔女到大灣區發展。啲師生一樣睇得投入，互動環節都好積極舉手回答。
劇中故事以更生者阿寶(化名)為藍本改編，Emily同今年19歲嘅阿寶傾過，佢話自己受網上資訊影響而參與反修例運動，因暴動罪被捕，佢噚日仲上台分享服刑期間同更生路上嘅改變，形容自己當時「好唔成熟」，仲話喺獄中有機會學拍攝、剪片等，因而產生興趣，𠵱家喺大灣區一間電影公司打工。
更多港聞
【Emily】楊潤雄見俄文化部長 倡俄片在港上畫
【明報專訊】俄羅斯首次參與香港舉辦嘅亞洲文化合作論壇（ACCF），文體旅遊局長楊潤雄（圖右）同俄羅斯文化部長柳比莫娃（Olga Lyubim... 詳情
【Emily】迪士尼美食巡禮 飲品融入五行概念
【明報專訊】香港迪士尼樂園度假區噚日舉行「2023年美食巡禮」，最特別嘅係迪士尼樂園酒店晶荷軒，製作融入中國傳統「五行」概念嘅「金、木、水、... 詳情
【明報專訊】YouTube香港噚日公布2022年度十大排名，可反映過去一年香港人追看同訂閱嘅影片、音樂、創作者受歡迎程度。根據YouTube...
詳情
相關新聞
