【Emily】常秘黃智祖陽性 文體旅局7天3人中招
[2022.11.30] 發表
【明報專訊】文化體育及旅遊局噚日公布，常任秘書長黃智祖新冠核酸檢測陽性，正接受隔離，係繼9月1日後第二度中招。計埋黃智祖，該局自上周三(23日)起有3人染疫，其餘兩人係局長政務助理林穎琪、政治助理招文亮。
黃智祖上周五(25日)最後返工，其間有戴口罩同每日快測。翻查資料，林穎琪上周二最後返工，翌日核酸陽，招文亮當日最後返工，第二日亦核酸陽。
文體旅局會消毒相關辦公室，並安排同事檢測。局方口頭同Emily講，局長楊潤雄、副局長劉震每日快測都係陰性，楊近兩日曾做核酸檢測，都係陰性，劉震就噚日朝早核酸檢測陰性。
至於文體旅局係咪出現群組，局方冇正面回應，只係透過書面回覆話個案已向衛生防護中心申報，無其他員工被列密切接觸者，所有同組員工核酸檢測都係陰性。
更多港聞
【明報專訊】疫情下大家更注重清潔，令清潔工工作量大增，港鐵年初撥款2000萬推出「車站清潔獎勵計劃」，每月為各車站嘅清潔程度評分，再按排名向...
詳情
相關新聞
