【Emily】車站清潔獎勵 港鐵延長一年
[2022.11.30] 發表
【明報專訊】疫情下大家更注重清潔，令清潔工工作量大增，港鐵年初撥款2000萬推出「車站清潔獎勵計劃」，每月為各車站嘅清潔程度評分，再按排名向車站清潔工發放800至1200蚊嘅現金獎勵，計劃原定為期一年，港鐵噚日話計劃推出以嚟各車站都保持到良好清潔衛生狀况，為感謝清潔人員嘅辛勞，決定延長計劃一年，獎金及發放準則不變。
現時港鐵會根據乘客意見調查同職員巡查等為車站清潔程度評分，愈高分獎金愈多，分數較高車站嘅清潔工一般獎1000蚊，喺高分車站負責洗手間嘅清潔工，因為工作較繁重，獎金會再高啲，有1200蚊。至於其他較低分車站，普通清潔工獎勵800蚊，負責洗手間嘅就有1000蚊。
更多港聞
相關新聞
