【Emily】好友兼選舉對手 梁熙廖添誠敘舊
[2022.10.15] 發表
【明報專訊】係對手亦係好友，民建聯立法會議員梁熙噚日喺facebook貼出同立法會選舉時嘅「對手」、現任創新科技及工業局政治助理廖添誠共晉晚餐嘅合照，仲透露兩人讀書嗰陣已經係好朋友。
清華大學讀碩士時相識
一齊食晚餐嘅仲有廖添誠太太、民建聯葵青區議員郭芙蓉，仲有舊年曾經幫梁熙助選嘅民建聯前區議員植潔鈴。梁熙話，同廖添誠夫婦多年前喺清華大學修讀高級公共行政碩士課程時相識，之後有保持聯絡，一直係好朋友，舊年仲一齊參選立法會，成為港島東嘅競選對手，喺選舉論壇上互相質詢，都算係友情路上嘅另一種火花。
一年即將過去，梁熙感嘆大家身分都有變，自己做咗議員，廖添誠就加入咗政府做政助，梁熙話再次聚首仍覺親切，祝願彼此可以喺崗位上都有所發揮。
更多港聞
相關新聞
