【Emily】戴耀廷常睇烹飪節目 盼為妻下廚 何俊仁被派「碌」線頭
[2022.08.17] 發表
【明報專訊】屯門區前區議員朱順雅喺facebook寫探訪後記，話噚日探望喺獄中還押緊嘅支聯會案被告何俊仁，亦探望過「35+初選案」被告戴耀廷。朱順雅透露，戴耀廷𠵱家成日睇烹飪節目，想學好廚藝，日後為太太下廚，答謝太太嘅辛勞；而仁哥就被派去做「碌」線頭工作。
朱順雅話，戴耀廷注重健康，即使天氣熱，仍堅持每日跑步5公里，所以佢換咗一個幾乎係「skinhead(平頭)」嘅髮型，除咗感覺涼爽得多，每日運動後打理都相對容易。
至於何俊仁，朱順雅話20日前嘅探訪，仁哥同佢講可能會被分派去做車衣或剪線頭嘅工作，朱順雅話當時估計因為車衣有一定難度，仁哥最後多數會被安排去剪線頭。噚日仁哥「開估」，原來佢要做「碌」線頭工作：每天用一個近似「鬚刨」嘅小電器，逐條檢視獲分配嘅褲，如果發現有多餘線頭，就好似剃鬚咁「碌」走線頭就可以。朱順雅又希望仁哥申請保釋一事一切順利。
更多港聞
【明報專訊】特首李家超正就其首份《施政報告》諮詢，民建聯下個月約咗李家超提交意見。民建聯有傳月底外訪東盟，部分議員多咗用網上記者會見人，例如...
詳情
相關新聞
