【Emily】郭嘉銓調任港島指揮官 陳東接掌警公關部
[2022.08.10] 發表
【明報專訊】警察公共關係科(PPRB)早前升格為公共關係部，Emily聽講公共關係部主管、警務處助理處長(公共關係)郭嘉銓將交棒，由富有保安及刑事情報工作經驗嘅助理處長(保安)陳東接任。郭嘉銓下星期一(15日)調任港島總區指揮官，接替將退休嘅郭柏聰。
聽講兩個阿sir已交接緊，陳東今個星期會見傳媒交代工作。1996年加入警隊嘅陳東曾駐守唔同前線及總部單位，2014至2016年借調到保安局，2018年晉升總警司，先後掌管毒品調查科、網絡安全及科技罪案調查科，兩年後晉升助理處長，主管保安部，過往工作有啲神秘，較少露面。
今年3月晉升助理處長嘅郭嘉銓最為人認識係反修例示威期間出任PPRB總警司，經常出席警方記招。佢曾涉獵前線指揮、機動部隊、保安情報、人事管理同公共關係工作，亦曾做前「一哥」鄧竟成嘅副官。
更多港聞
【明報專訊】身負多宗刑事案、前年去咗海外嘅立法會前議員許智峯（Ted）身在澳洲，前晚「澳港聯」引述有人見到一名男子喺一間餐廳內向Ted潑水、...
詳情
【Emily】政協青聯與懲教合作 助反修例釋囚就業
【明報專訊】香港政協青年聯會將會推出「同心圓計劃」，同懲教署合作，協助因2019年反修例運動入獄嘅年輕人更生，希望透過聯會嘅網絡，為佢哋提供... 詳情相關新聞
