【Emily】再有高官調動 黃少珠任工貿署長 李佩詩任社署署長
[2022.07.23] 發表
【明報專訊】政府噚日宣布多個公務員高層任命，現任商務及經濟發展局副秘書長黃少珠將喺下月1日出任工業貿易署長，而現任政務司長辦公室施政報告組副主任李佩詩，將喺下月10日出任社會福利署長，接替即將展開退休前休假嘅梁松泰。新任命嘅兩人都喺1993年加入政務職系(AO)，曾喺多個決策局同部門服務，包括前布政司辦公室、前政務科等。其中黃少珠曾任保安局副秘書長同特首私人秘書，李佩詩就做過政制及內地事務局副秘書長。
公務員事務局長楊何蓓茵話，今次調動嘅同事都係資深政務主任，具備出色領導同管理才能，有信心佢哋喺新崗位為市民提供專業高效嘅服務。
另外，經公開同內部招聘後，梁冠康將喺下周一(25日)出任民眾安全服務處總參事，接替服務政府35年、已展開退休前休假嘅方耀堂。梁冠康之前任職消防處，去年退休前係消防總長。
更多港聞
【明報專訊】雖然近日新冠疫情反彈，但始終同第五波高峰期有一段距離，加上經濟活動逐漸回復正常，六合彩攪珠亦會「復常」。香港賽馬會噚日宣布，由下...
詳情
【Emily】田二少赴小學畢業禮 遇生命小鬥士
【明報專訊】臨近學期尾，唔少政界中人都獲邀出席學校畢業禮，實政圓桌田北辰（右）噚日就喺吳氏宗親總會泰伯紀念學校，遇見生命小鬥士蕭奕彤（中）。... 詳情相關新聞
