【Emily】六合彩「復常」一周3次 暑期金多寶有得攪
[2022.07.23] 發表
【明報專訊】雖然近日新冠疫情反彈，但始終同第五波高峰期有一段距離，加上經濟活動逐漸回復正常，六合彩攪珠亦會「復常」。香港賽馬會噚日宣布，由下星期起每周舉行3次攪珠，分別係逢周二、四及六晚上9點半。Emily聽聞每年暑假馬會都會推出嘅暑期金多寶，有機會喺稍後舉行，具體詳情有待馬會公布。
過去兩年幾新冠病毒襲港，六合彩攪珠多次減少甚至暫停。翻查馬會資料，前年2月2日起一度暫停攪珠，至同年9月24日先恢復一周一次；11月10日恢復一周兩次；而去年6月15日起曾恢復到一周三次，不過疫情反覆下，今年1月20日起又減至一周一次，至3月8日先恢復一周兩次，都幾多波折吓！
更多港聞
【Emily】田二少赴小學畢業禮 遇生命小鬥士
【明報專訊】臨近學期尾，唔少政界中人都獲邀出席學校畢業禮，實政圓桌田北辰（右）噚日就喺吳氏宗親總會泰伯紀念學校，遇見生命小鬥士蕭奕彤（中）。... 詳情相關新聞
