【Emily】陳偉偉「跳級」升新聞處長 曾俊華前秘書 評價唔錯
[2022.07.14] 發表
【明報專訊】曾為時任財政司長曾俊華新聞秘書嘅陳偉偉(圖)，經政府內部招聘後，獲委任為政府新聞處長，今日(14日)履新。1997年加入政府嘅陳偉偉屬政務職系，於上屆政府曾任政制及內地事務局長聶德權嘅政務助理，其後轉到創新辦，據Emily了解，新聞主任職系(IO)對佢評價唔錯。
公務員事務局長楊何蓓茵表示，陳偉偉擁有公共行政及處理公共關係嘅豐富經驗，而且有領導及管理才能，深信政府新聞處會為政府提供公關策略，提升外界對政府政策思維同立場嘅認識，並喺境內外宣傳香港。
內部招聘 陳D3升D6
回歸以來，新聞處長一職都由政務官擔任，上屆政府決定內部招聘新聞處長，接受有10年首長2級(D2)經驗嘅公務員自薦應徵，最終選中首長3級政務官(D3)嘅陳偉偉，跳級升任新聞處長(D6)。
陳偉偉近25年嘅公務員生涯做過多個政策局同部門，包括大學教育資助委員會、前衛生福利局、前政制事務局、前環境運輸及工務局、環境保護署、前經濟發展及勞工局、前運輸及房屋局、財政司長辦公室、政制及內地事務局、前政策創新與統籌辦事處及政務司長辦公室。
更多港聞
【Emily】前天文學會會長 李家超影「超級滿月」
【明報專訊】噚晚天氣唔錯，相信唔少市民抬頭都可以睇到全年最大嘅「超級滿月」，天文台話月亮睇落會比平日見到嘅滿月大7%。特首李家超噚晚接近9點... 詳情
【Emily】警招募稱「工作生活可平衡」 惹「辛苦」留言
【明報專訊】警察招募組上周五（8日）喺facebook上載帖文，向DSE同學仔分享「做警員都可以工作與生活平衡」，稱成為警員後可享有房屋、醫... 詳情
【明報專訊】陳健波獲委任加入新一屆行政會議後，話辭任立法會財務委員會主席一職，但據Emily了解，建制派噚日開過會，決定暫時唔選新主席，要波...
詳情
相關新聞
