【Emily】周子詩成九華百年首名女校長
[2022.05.28] 發表
【明報專訊】候任特首李家超嘅母校，九龍華仁書院將迎來創校百年以來第一名女校長。學校噚日喺網站公布，周子詩(小圖)會喺今年9月1日接任校長一職，接替即將退休嘅現任校長鍾衞良。校方話係根據7人遴選小組嘅建議，委任周子詩任校長，呢項決定最近獲教育局批准。
周子詩喺港大畢業，之後修讀社會科學碩士學位，2008年加入九龍華仁書院，任教生物科同綜合科學科，之後喺校內擔任過唔同職位，2018年升為副校長，負責學生事務。校方亦感謝即將卸任校長嘅鍾衞良多年貢獻。
周子詩話，疫情令學校社群之間嘅關係受阻，喺未來一個學年，會着力重建學生、教師、家長以及校友嘅關係。佢又話，作為兩個女兒嘅媽媽，深深明白家庭對學生嘅成長有好重要角色。
更多港聞
相關新聞
