【Emily】港鐵車票捐醫護 醫局致謝
[2022.05.28] 發表
【明報專訊】疫情之下，醫護人員努力守護市民健康。醫管局噚日出稿，衷心感謝港鐵公司慷慨捐贈1萬張港鐵都會票畀前線抗疫嘅支援職系人員使用，同埋疫情期間提供超過4.6萬張機場快線車票，供當值醫護人員往返博覽館站同市區。
港鐵公司行政總裁金澤培對醫護人員一直秉持專業，無畏無私守護市民健康，表示敬佩同支持，佢仲話港鐵公司會持續同社會各界齊心協力，期望早日擊退疫情，令香港繼續前行。
醫管局主席范鴻齡亦話，非常感謝港鐵公司從2020年起，多次支持同鼓勵醫管局同事對抗疫情，呢啲激勵員工士氣嘅善舉，係對努力不懈嘅醫管局全體同事嘅肯定。
更多港聞
相關新聞
