【Emily】警尋回認知障礙伯伯獲感謝
[2022.05.19] 發表
【明報專訊】前排網上流傳短片，兩名軍裝警員喺公園擺姿勢影相，一度被網民誤會佢哋執勤時「打卡」，事後警方澄清係因為警員處理高危失蹤者案件時表現專業，獲市民讚揚，所以邀請佢哋重返現場影相，以便刊登。最新一期《警聲》刊登咗兩名阿sir喺荷李活道公園嘅相片(圖)，仲講番尋回73歲患有認知障礙症伯伯嘅經過。
《警聲》提到，警方3月9日收到一名男子求助，話患有認知障礙症嘅73歲爸爸喺上環失去聯絡，中區警區軍裝巡邏小隊第四隊杜警長、何警員同鄭警員、輔警尹警長同輔警林警員到場後先安撫報案人情緒，了解案情後展開搜索，搵咗45分鐘後喺荷李活道公園外搵番伯伯，好彩佢無受傷。伯伯個仔事後寫電郵表揚同感謝警隊。
更多港聞
【Emily】15分鐘叉滿 SHELL中港城設電動車充電站
【明報專訊】喺香港呢個咁追求效率嘅地方，時間就係金錢，電動車充電亦都一樣。SHELL、信和集團同希路能源合作喺中港城設立電動車充電站，提供4... 詳情
竹篙灣單日最多28人考 有人兩度進出 考生兩卷間喊餓 監考難忘送麵
【明報專訊】中學文憑試（DSE）連續3年受新冠疫情影響，今年DSE上周完成所有甲類科目筆試。首年讓染疫考生赴竹篙灣特別試場考試，有負責「確診... 詳情
相關新聞
