【Emily】今年颱風名單 天鵝兇猛被DQ
[2022.04.29] 發表
【明報專訊】天文台噚日宣布，聯合國亞洲及太平洋經濟社會委員會同世界氣象組織轄下颱風委員會，通過今年西北太平洋同南海嘅熱帶氣旋名單，新增「西望洋」、「琵鷺」、「紫檀」、「簡拉維」同「班朗」5個名字，取代舊名「黃蜂」、「蓮花」、「莫拉菲」、「天鵝」同「環高」。
澳門「西望洋」同「琵鷺」入選
據慣例，颱風委員會會考慮將造成重大人命傷亡同經濟損失嘅熱帶氣旋除名。至於今次新名，「簡拉維」由韓國提出，係春天開花嘅木，有黃色花朵(連翹)；「紫檀」就由菲律賓提出，係一種喬木(紫檀)；「班朗」由越南提出，係開花喬木(大花紫薇)。「西望洋」同「琵鷺」都係澳門提出，前者因西望洋山係澳門新八景之一，後者則係澳門常見嘅候鳥。
天文台資料顯示，2020年11月初正面吹襲菲律賓嘅超強颱風「天鵝」，係2013年超強颱風「海燕」以來，西北太平洋同南海區域最強熱帶氣旋。「天鵝」喺菲律賓造成最少25人死亡，超過17萬間房屋受損。
今炎熱 或歷年最早發酷熱警告
另外，天文台預測今日酷熱，市區最高約33度，新界再高一兩度，如果發出酷熱天氣警告，就會係第一次喺4月發出，同埋係歷年最早首次發出。
更多港聞
【明報專訊】2019年國慶日有示威者喺屯門集結，人稱「小虎sir」嘅警員被淋腐蝕液，右手同背部多處受傷，喺內地治療。舊年7月返港嘅「小虎si...
詳情
通識卷續不問政治 考在家工作 教師：學生網課經驗豐 易代入
【明報專訊】通識教育科中學文憑試（DSE）來到倒數第二年，下年辦末屆考試，2024年將由公民與社會發展科全面取代。連續兩年通識卷「政治題」絕... 詳情
【明報專訊】近日教育局招聘法律主任（特別職務），職責包括檢討《補助/津貼學校公積金規則》，惹教育界關注，憂影響教師因離職、移民而提早取回公積...
詳情
相關新聞
