【Emily】何栢良籲搵「姜B」代言宣傳疫苗 網民：唔搵年輕人偶像曹永廉？

何栢良噚日喺商台節目建議政府，應思考邀請人氣高嘅人，例如男子組合Mirror成員姜濤，喺社交平台呼籲接種新冠疫苗。其實何栢良早一晚已經喺自己facebook提出（上圖），網民就反應兩極（下圖）。

【明報專訊】政府鼓勵市民打新冠病毒疫苗嘅方法層出不窮，先有食肆員工要打咗針，食肆先可以開夜啲、多啲人一枱，近日又擬要求外傭續約時須打疫苗等；噚日港大感染及傳染病中心總監何栢良出席商台節目，再呼籲市民積極接種疫苗，又建議政府應思考邀請「人氣高」嘅人代言，仲點名當紅偶像、男子組合Mirror成員姜濤，話可以搵佢幫手喺社交平台公開呼籲接種疫苗。

花姐話私下傾過打唔打針 未有結論

消息一出，網民同「姜糖」(姜濤支持者)即刻好緊張，擔心佢打針後會出現面癱、爆血管等副作用。另外，有唔少網民揶揄，「點解唔搵年輕人嘅偶像，曹永廉同蘇永康呀？」

姜濤經理人花姐噚日接受過傳媒訪問，話姜濤父母年紀都大，怕姜B一日接觸好多人，擔心一旦感染會影響到屋企人，因此有同姜濤私下討論過打疫苗，「如果有一隻信得過嘅疫苗係咪要去做呢？但未有結論」。至於姜濤會唔會代言，花姐就話暫時未收到通知。

政府都有就打疫苗做唔少宣傳工作，例如搵TVB拍咗一輯《疫苗快打》，由唔同行業嘅人分享打疫苗嘅好處，噚日播咗第一集；另外又搵咗多名醫生拍咗幾集短片講疫苗資訊，例如講有慢性病、三高、藥物敏感等人可唔可以打疫苗，YouTube上播放嘅觀看次數由5.9萬至35萬不等。

更多港聞

【Emily】初選案還押 梁晃維辭任中西區議員

【明報專訊】參加民主派立選初選被控違反《港區國安法》、正在還押嘅梁晃維（圖），辭任中西區區議員。民政事務總署回覆本報查詢時話，已接獲梁晃維嘅... 詳情

【Emily】伍健偉換夏季囚衣 戰友探監即曬「美腿」

【明報專訊】民主派立選初選案36人仍然還押，近日天氣炎熱，元朗區議員伍健偉嘅facebook小編講起佢嘅情况時，就話伍健偉換咗夏季衫，終於可... 詳情

【Emily】社民連暑期實習招募開始 「做到繼續做」

【明報專訊】每年暑期之前幾個月，各大政黨都會推出暑假實習計劃招募，噚日社民連就喺facebook出帖，招募理念與社民連相近嘅大專學生參加。實... 詳情

【Emily】學校教行動代批評 學生組隊清垃圾

【明報專訊】每逢假日郊野山頭人山人海，屯門區佛教沈香林紀念中學嘅同學就留意到現象背後，衍生出郊野垃圾量增加嘅問題。佢哋經過搜集資料、考察，認... 詳情

法改會研「沒有保護罪」 未建議強制舉報虐兒 防虐兒會促「雙軌」推 擴保護網

【明報專訊】5歲女童遭虐殺案令社會關注保護兒童機制，有人建議強制舉報虐兒個案。法律改革委員會即將完成有關虐兒的研究，料月中提交報告。勞工及福... 詳情