【Emily】委會選主席多咗1票 何君堯報警 被指投兩票 尹兆堅話唔記得
[2020.10.17] 發表
【明報專訊】立法會9個事務委員會噚日繼續選舉正副主席，環境事務委員會開會期間，「黑社會」3字不時出現。委員會由上一年度任主席嘅何君堯主持，提名期間，民主黨許智峯質疑點解何君堯唔做番主席，「係咪同白衣人、黑社會太密切，畀人搣走咗(主席位)？」及後每次點票點到「7號」，民主派就高呼「721，黑社會」。
投票期間，環境事務委員會有40名委員，但就收回41張票，要再次投票。何君堯其後話，當中有張票來自房屋事務委員會，又話係民主黨黃碧雲拎走呢張票後，民主黨尹兆堅喺環境事務委員會用嚟投咗兩票，已向警方報案，又話事件除咗違反《權力及特權法》外，佢相信亦涉有盜竊、串謀行騙行為。
點票每數到7 泛民喊721
尹兆堅就回應話，記憶中每個委員會都係見枱面有票就投，唔記得投咗兩次，之前選正副主席過程都試過票數出錯，秘書處有時都會點錯，並唔罕有，「咁佢哋其他又唔嘈嘅？」阿尹話，以何君堯嘅人格同過去所作所為，有理由相信佢抱持敵意武斷推敲，指控係憑空想像、穿鑿附會、斷估濫告。
噚日共有8個事務委員會選出主席，但未選出副主席。至於福利事務委員會，由上年度主席、民主黨鄺俊宇主持選舉，至會議結束都未選出主席。
更多港聞
【明報專訊】港府前日公布同新加坡政府達成協議，計劃推「旅遊氣泡」，呢項措施對唔少人嚟講都算係好消息，但工聯會會長吳秋北就鬧爆政府「避事畏難，...
詳情
【Emily】同邱騰華開視像會 網民讚星部長貼地
【明報專訊】商務及經濟發展局前日公布同新加坡達成「航空旅遊氣泡」原則協議，港人喺滿足相關防疫條件後，就可以免檢疫去新加坡。新加坡交通部長王乙... 詳情
相關新聞
