【Emily】旅遊氣泡「捨祖國」 吳秋北鬧政府避事畏難
[2020.10.17] 發表
【明報專訊】港府前日公布同新加坡政府達成協議，計劃推「旅遊氣泡」，呢項措施對唔少人嚟講都算係好消息，但工聯會會長吳秋北就鬧爆政府「避事畏難，偷雞取巧」，批評政府反而唔先同內地搞「健康碼」，而走去同有疫情嘅11個地區傾旅遊氣泡，指摘政府寧捨安全嘅祖國，話咁樣係會令香港陷於疫情嘅輪迴永劫之中，「這是拚䠋鬥爛還是另有居心！」
前特首梁振英早前因教育局唔肯公開違規教師資料，點名鬧教育局「為官避事平生恥」。吳秋北今次鬧政府，雖未有點名邊個官員或政策局，但火氣絕對唔弱。吳秋北喺facebook開火，仲附載圖表，話同港府商討旅遊氣泡嘅地區仍有唔少疫情個案，話兩地個案都未清零嘅情况下，再縝密嘅安排都係如履薄冰喎。
講講吓旅遊氣泡，吳秋北又怪罪埋其他人，話剛剛過去嘅十一旅遊黃金周市况好清靜，大小商舖紛紛落閘，「如此慘况，有人竟會感到開心，這是典型泛暴攬炒派的嘴臉！」
更多港聞
【Emily】同邱騰華開視像會 網民讚星部長貼地
【明報專訊】商務及經濟發展局前日公布同新加坡達成「航空旅遊氣泡」原則協議，港人喺滿足相關防疫條件後，就可以免檢疫去新加坡。新加坡交通部長王乙... 詳情
相關新聞
