【Emily】一哥話做警察學成龍 受《新紮師兄》啟發 林志偉當差因朝偉

【明報專訊】警務處長鄧炳強2月16日同明星足球隊等一班藝人飯敘嘅片曝光，席間一哥話自己做警察，「係學成龍大哥、學方中信，我唔知點做警察，睇吓睇吓識做㗎喇」，言論惹嚟爭議；另片中可見其間有人喺室內食煙。公民黨法律界立法會議員郭榮鏗噚日反問係咪要睇《壹號皇庭》先識做律師，「我哋係咪要多謝(主角之一)陶大宇？」佢批評一哥係去「擦鞋」、「飲飲食食」，認為佢發表唔恰當嘅言論，有失處長身分，應該馬上辭職。

不過，警隊員佐級協會主席林志偉接受港台訪問時，就話一哥嘅言論只係生動同談笑風生嘅講法，唔會影響警隊形象；佢話自己都係睇梁朝偉嘅《新紮師兄》(1984年無綫劇集，左圖為主角張偉杰)啟發做警察。

郭榮鏗：我係咪要多謝陶大宇？

阿涂：一哥無視減少社交呼籲

民主黨涂謹申就批評聚餐時大家都無戴口罩，仲要互相搭膊頭、蹺手同擁抱。阿涂話，警隊高層經常要同高官接觸，警隊高層一旦受感染，或會令成個政府癱瘓。佢批評一哥公然無視政府減少社交活動嘅呼籲，參加包房聚餐同唱歌等感染高危活動，係做壞榜樣。

一哥下個月會去立法會，面對議員質詢，唔知到時大家會否追問佢飯局詳情呢。立法會保安事務委員會之前因應武漢肺炎疫情押後本月初例會，𠵱家將會喺3月3日舉行例會，一哥會出席會議並交代香港罪案率。

更多港聞

【Emily】高官社區派物資 羅致光戴口罩

【明報專訊】政府新聞處前晚11點發稿，話特首林鄭月娥、民政事務局長劉江華、勞工及福利局長羅致光當日傍晚分別去咗唔同社區，聯同非政府組織（NG... 詳情

【Emily】民記抗疫平台 幫灣仔區會員買餸

【明報專訊】武漢肺炎疫情持續，民建聯噚日宣布成立「港島抗疫平台」，目前搵到10萬個口罩，將透過平台向登記申請嘅港島居民派發，同埋幫登記會員買... 詳情

【Emily】疫情嚴峻 曬佛節移師大帽山

【明報專訊】過往喺維園舉行嘅「曬佛節」，今年因為武漢肺炎疫情嚴峻而移師大帽山，舉行3天，噚日係最後一次。香港曬佛節創辦人覺囊派藏哇活佛阿旺?... 詳情

【Emily】歷鉛水風波 林天星任西九增選成員

【明報專訊】西九文化區管理局董事局噚日宣布，委任發展局前局長馬紹祥、水務署前署長林天星成為西九管理局轄下嘅發展委員會增選成員，任期由今年2月... 詳情

【Emily】民主黨區議員派罩 預埋警宿長者被批

【明報專訊】香港眾志喺中美洲國家洪都拉斯買咗120萬個口罩，呢批口罩日前送抵香港，民主黨同公民黨各自分配到35萬個。民主黨南區區議員徐遠華本... 詳情