【明報專訊】仲有兩日就係農曆新年，除咗香港人正落力辦年貨，唔少外國駐港總領事都入鄉隨俗，拍短片同大家拜年。加拿大駐港總領事館噚日上載賀年短片拜個早年，總領事Jeff Nankivell以廣東話講「新年快樂，萬事如意」，仲用廣東話提到多項加拿大同香港嘅交流，包括話香港嘅戲曲中心等建築物都係加拿大人設計，又話加拿大人亦有喺香港辦冰上曲棍球。廣東話咁難學，呢位總領事相當有誠意。

波蘭駐港總領事Aleksander Da?da(圖)、副領事Dominik Jakuszko日前就拍片，除咗手持揮春同大家拜個早年，以廣東話恭祝港人「新年快樂」、「身體健康」，仲教大家呢兩句祝賀語嘅波蘭文點講。