【明報專訊】周六台灣大選，好多民主派人士去�鬙x灣觀戰，包括社民連東區區議員曾健成(阿牛)，沙田區政亦拉大隊去。阿牛今晚7至8點打算�鬖隤麷m地鐵站2號出口搞場「和你唱」，同當地朋友一齊唱《願榮光歸香港》。《願榮光歸香港》有閩南話版本，唔知阿牛識唔識唱呢。阿牛仲話，因為去�鬙x灣，明日就唔會出席由政務司長張建宗同區議員召開�屩略須|喇。

莫乃光：當年台「顏色經濟圈」分明

好多民主派都會去台灣觀戰，不過，台灣大選撞正香港立法會財委會審議公務員加薪，好多泛民立法會議員都會留港出席會議。資訊科技界立法會議員莫乃光(Charles)話，財會開到聽日下晝，飛得去台北�螺s最後造勢會都接近結束，而之後就係冷靜期，恐怕無咩�畇說A所以唔去咯。

不過，Charles話，佢由陳水扁年代開始已經去台灣睇選戰，羨慕當地�鴷薔D，「想當年選舉氣氛極為濃厚，的士都掛晒藍綠旗號，顏色經濟圈壁壘分明」。佢話近年台灣選舉氣氛愈來愈平靜，好記得幾年前同當地一個廚師傾偈，個廚師睇得好開，話選舉就係將決定交畀人民，誰勝誰負，太陽會繼續升起。Charles就覺得，民主係令人民更成熟，而政黨輪替亦令社會更穩定。