【Emily】微博貼唱歌片 何君堯派「福利」
[2019.12.09] 發表
【明報專訊】區選失意嘅立法會議員何君堯(Junius)成內地新寵兒，佢喺北京接受中央電視台訪問，提到開咗微博4個月已有102萬「粉絲」，香港fb帳戶開咗4年幾先有15萬，形容內地網民非常熱情同真摯。為答謝粉絲，佢喺微博上載以前唱《獅子山下》嘅影片作為「福利」。
央視記者同Junius邊食下午茶邊做訪問，個報道就叫「我在北京遇見何君堯，一起喝了個下午茶」。Junius喺facebook話內地傳媒熱情追訪佢，「這種感覺在香港是不一樣的」。
Junius喺訪問話，相信香港警方執法時面對好大壓力，希望律政司快啲檢控，如果法庭人手不足就要加人、聆訊節數唔夠亦要加。
更多港聞
【Emily】參與「心光傲行」 陳肇始體驗盲行
【明報專訊】心光盲人院暨學校噚日舉辦第四屆「心光傲行」步行籌款，支持發展支援視障者服務，食物及衛生局長陳肇始同平機會主席朱敏健亦有出席。大會... 詳情
【Emily】唐樓群活化 「618上海街」商戶試業
【明報專訊】位於上海街600至626號，有近百年歷史、毗鄰旺角朗豪坊嘅一排唐樓，市建局花4年保育同活化，上月完成工程，命名「618上海街」，... 詳情
【明報專訊】香港大學有13名學者被選錄為「2019年度最廣獲徵引研究人員」，人數是香港院校中最多。按港大資料，該13人中，7人具內地學術背景...
詳情
相關新聞
