【Emily】伍淑清批教局脫節未推國教
[2019.12.05] 發表
【明報專訊】美心集團創辦人伍沾德嘅長女伍淑清近月多次點評香港時政，致令一啲支持抗爭者嘅人發起杯葛美心集團。早前話「放棄年輕人」嘅佢近日接受內地訪問，批評教育局並未推廣國民教育，形容回歸以來都見「脫節」；又話應該鼓勵政府，由學生上幼稚園、小學開始，就教導佢哋香港係中國嘅一部分。
伍淑清接受中國環球電視網(CGTN)訪問，以英語答問，佢形容香港深受西方影響，年輕人亦常要求有改變，佢哋會認為如果唔參與其中，就不能改變社會及喺香港有話語權。佢形容香港嘅教育局由1997年起已經非常脫節，「未意識到香港變成中國嘅特區」，形容由幼稚園開始就應教導學生，香港係中國嘅一部分，教授國歌、做好愛國教育。
話家長要知道點樣正確養育仔女
伍淑清又話，教育局無意推廣國民教育，部分教科書、教師都反中，而年輕人同中國人身分有距離，只認為自己係香港人；指呢批年輕人嘅父母過去未捱過，亦無接受較準確嘅國民教育。佢又提到香港嘅家長，話佢哋對認識中國、北京並唔配合，只關注要畀仔女最好嘅嘢。雖然伍淑清早前話「不會再浪費時間去跟他們(年輕人)講什麼」，但佢今次訪問都建議父母要知道如何有效、正確地養育仔女，又話因為學生受社交媒體影響，政府、中央都要知道點樣能夠有效地與港人溝通。
更多港聞
【明報專訊】「民主動力」作為協調民主派參選嘅平台，協調未必一定成功，今屆區選亦有部分選區「撞區」，最終喺未能協調下由建制派勝出。部分不獲民主...
詳情
【明報專訊】今屆區選唔少無地區經驗嘅素人都勝出，要立即掌握點做區、區議會運作等，唔係易事。離開政壇後移居加拿大嘅立法會前議員陳偉業（大嚿）1...
詳情
【Emily】天冷送暖 立會秘書處請記者飲熱朱古力
【明報專訊】近日天氣轉冷，唔少記者出外採訪時都要「食風」，如果有杯熱飲就會溫暖啲。立法會大會噚日舉行，秘書處就好貼心咁為一眾記者準備熱朱古力... 詳情相關新聞
