【Emily】助素人 陳偉業製60頁議員入門手冊
[2019.12.05] 發表
【明報專訊】今屆區選唔少無地區經驗嘅素人都勝出，要立即掌握點做區、區議會運作等，唔係易事。離開政壇後移居加拿大嘅立法會前議員陳偉業(大嚿)1980年代由做地區起家，到成為區議員，佢話唔少朋友都叫佢畀啲意見新當選區議員，於是佢草擬咗一份60頁嘅《區議員入門手冊》放上網，仲話如有需要，可以喺電話同相關人士商討吓，希望可以協助佢哋順利開展工作。
Emily睇過呢本手冊，內容詳盡，例如由建議當選人盡快向房署申請辦事處、點樣將支持者轉化成地區工作團隊、點樣建立行政架構、會見市民計劃，去到整單張、區議會職責簡介，以至服務各年齡層嘅重要，都有提到。
比較特別嘅係，手冊其中一章叫「區議員不應做的事情」，提醒大家切忌牽涉金錢糾紛、唔好亂作承諾、唔好喺辦事處處理私人事務，甚至「切忌返回大陸及頻密聯絡內地親友」，當中提到相信中共會用盡方法令非建制區議員「變節」，如喺內地「引誘區議員越軌，或脅持內地的親友要脅區議員」，所以未來4年應盡量避免私下到內地，以免誤墮各種陷阱。
更多港聞
【Emily】天冷送暖 立會秘書處請記者飲熱朱古力
【明報專訊】近日天氣轉冷，唔少記者出外採訪時都要「食風」，如果有杯熱飲就會溫暖啲。立法會大會噚日舉行，秘書處就好貼心咁為一眾記者準備熱朱古力... 詳情
多院校SSSDP課程加價 扣資助後學費增7.7％ 東華物理治療7.31萬
【明報專訊】教育局今日推出新一輪「專上課程電子預先報名平台」（E-APP）網上報名服務，應屆文憑試（DSE）考生可循「經評審專上課程資料網（... 詳情
【明報專訊】中一自行收生程序開始。應屆小六學生家長將由今日起會透過子女就讀的小學，收到兩份「中一自行分配學位申請表」，家長可於明年1月2日至...
詳情
相關新聞
