【Emily】70年代遊戲 中西區「捐山窿」公園周日啟用
[2019.08.21] 發表
【明報專訊】中西區區節重點項目「捐山窿」公園星期日(25日)啟用，其實呢個係1970年代好受小朋友歡迎嘅渠管遊戲，曾見於當年葵涌石籬邨，中西區區議會就將佢重現喺豐物道海濱休憩用地，啟用後首月，渠管入面會以「香港電影」做主題，將20套經典電影嘅剪影放喺渠管內推廣。中西區區議會副主席、民建聯陳學鋒話，香港好多公園千篇一律，佢哋好想做啲遊樂設施係冇規則、小朋友鍾意點玩都得。
陳學鋒強調，「捐山窿」設施有專業遊戲設計師睇過，保證小朋友玩得安全，佢希望小朋友可以從中發揮想像力同體能。同場並設有由貨櫃改建而成嘅4個兒童美術館，分別以「衣服」、「文字」、「玩具」及「建築」嘅主題展覽，亦有工作坊畀小朋友利用環保生活素材發揮創意，從中了解歷史文化，寓學於樂。「文字」工作坊會有唔同嘅香港招牌，教小朋友認字，亦會有用紙皮製成嘅中西區模型。
「捐山窿」公園嘅設計工作都由學生同青年設計師參與策劃，實踐將公共空間嘅設計還畀公眾。陳學鋒透露整個公園花咗二三百萬元整成。
更多港聞
【Emily】斥澎湃新聞標題黨 星洲教授促刪文
【明報專訊】內地媒體最近大量發文評論香港局勢，《人民日報》海外版社交媒體公眾號「俠客島」，搵咗新加坡國立大學教授鄭永年做訪問，評論香港局勢；... 詳情
【Emily】網民常提「金句」 練錦鴻、謝沈智慧、彭家光升區院法官
【明報專訊】司法機構宣布任命3名區域法院法官，包括主任裁判官練錦鴻、常任裁判官謝沈智慧同彭家光，任命由行政長官根據司法人員推薦委員會嘅推薦而... 詳情
【Emily】林鄭話落區 李慧琼同日偕官員行動
【明報專訊】特首林鄭月娥噚日見記者時提到司局長會落區聽意見，民建聯隨即陪同官員落區，其中該黨主席李慧琼（Starry）就同食物及衛生局長陳肇... 詳情相關新聞
