【明報專訊】區議會選舉11月底舉行，有意競逐者都積極做地區工作，不過如果有社區主任「撞區」，協調都要花一番心力。Emily聽聞，「九龍角落」主席李軒朗及地區組織成員黃綺婷(ET)都有意落戶土瓜灣南，挑戰現任區議員林博。兩人撞區一直未能成功協調，據悉近日都要思考方法處理，包括民調甚至抽籤定奪。 據Emily所知，近日有地區義工眼見事件一直拖延，分分鐘到報名日都未能有一個公平、雙方都同意嘅方法，建議不如抽籤處理撞區問題。ET同Emily講，認為只要用公平方式處理就得，抽籤都係一個方法，起碼公平而唔係對任何一方有優勢；除此之外，佢嘅義工認為民調亦可以，不過佢覺得作為當事人，就唔係太適宜成為主辦單位，民調細節亦唔應該由佢哋倡議。 李軒朗就認為抽籤不能接受，「唔能夠為協調而協調，咁樣同脅迫冇分別」，話如果要協調，可以考慮喺區內做民調。
|
| |
| |
