【明報專訊】劉德華與古天樂主演電影《掃毒2：天地對決》，古仔更開金口，與華仔合唱主題曲《兄弟不懷疑》。兩人首度合唱，有指古仔為樂壇注入新力量，他聞言笑說：「咁大件事？咁都好可歌可泣喎！唱歌我業餘嘅啫！唔好咁講。」華仔亦笑說：「我都係業餘到𠵱家！諗番起對上一首剛陽味重嘅歌，是好多年前同偉仔唱嘅《無間道》，所以𠵱家市場上都需要番啲男性嘅音樂同歌曲。」 華仔稱古仔錄音時擔心做得不好，事實已做得好好，他幾鍾意古仔唱「關係」那段，叫大家留意。古仔被要求評分，他笑說：「咁我一定係零分，華哥就100分！」《兄弟不懷疑》由華仔填詞，說寫時腦裏畫面是與古仔之間的兄弟情，以及戲中其他的兄弟情。問古仔有否對歌詞給意見？他說：「佢哋有畀份歌詞我睇，我第一個反應係『唔好玩啦！我都唔識唱歌，點畀意見啫』。」 娛樂組 ■更多娛樂猛料 ﹕ol.mingpao.com
|
| |
| |
;){kind=small}
