民主派批湯家驊如03年版陳鑑林 袁彌昌fb 貼相 見證「香港再覺醒」

家住銅鑼灣嘅匯賢智庫政策顧問袁彌昌噚日遊行期間，拍下起步點附近嘅駱克道擠滿遊行市民一幕，用英文話「香港再醒覺」。民主黨羅健熙喺佢fb留言叫「幫吓手」，袁回應話「都已經盡能力㗎喇」。（袁彌昌fb）

【明報專訊】民陣噚日舉行嘅反修訂《逃犯條例》遊行，人數遠超預期，行會成員湯家驊(Ronny)噚日朝早喺電視訪問中形容，反對聲音都係政治口號，「無說服力嘅民意係不具代表性」，又話就算噚日反修例遊行人數增加，當局都唔應該讓步，否則日後難以管治。

湯：遊行人數增加 政府亦不應讓步

民主派噚日集會發言時異口同聲批評Ronny，公民黨郭榮鏗更將前黨友比喻為民建聯陳鑑林，事關陳2003年曾形容遊行反對《基本法》23條立法嘅市民係「被誤導」，郭話公民黨要向全港市民致歉，因為該黨當初睇錯人咁話。

郭榮鏗：為公民黨當初睇錯人道歉

議會陣線毛孟靜引述Ronny言論時，台下隨即傳來一片噓聲同罵聲；公民黨黨魁楊岳橋亦毫不留手，質疑Ronny「係咪當大家白癡」。

另外，新民黨立法會議員容海恩嘅丈夫、匯賢智庫政策顧問袁彌昌(Derek)噚日喺facebook貼上銅鑼灣遊行隊伍迫爆街道嘅相，寫上「Hong Kong has reawakened」字句，又留言提到「銅鑼灣書店舊招牌就在那裏，更感諷刺」。

Derek同Emily講，自己無參與遊行，只係喺附近住所上空觀察，問到句英文有無特別意思，Derek就簡單回應話：「香港再覺醒。」

3局長馬場開心同譚志源合照

噚日數以萬計市民上街，似乎無影響部分局長同行會成員嘅心情，事關前政制及內地事務局長譚志源噚日喺fb上載喺馬場嘅相片，同陳帆、黃偉綸同邱騰華3名局長，及林健鋒同周松崗兩名行會成員合照，見到各人笑容滿臉，真係「馬照跑、遊行照行」。

更多港聞

6公園開放人狗同玩 非執屎官都話好

【明報專訊】唔少寵物主人都呻要帶毛孩出街玩相當麻煩，康文署今年推出寵物共享公園試驗計劃，開放6個公園容許市民帶埋寵物去玩，包括啟德跑道公園、... 詳情

羅致光自翻舊帳 曾提60蚊最低工資

【明報專訊】政府將會喺5月1日勞動節（周三），將法定最低工資由34.5元增加至37.5元，增幅係歷年最高，由學界走入官場嘅勞工及福利局長羅致... 詳情

46名高中生獲選 做副局常秘影子

【明報專訊】今屆政府經常強調要做好青年工作，政務司長張建宗噚日喺網誌話，去年首度面世嘅「與司局長同行」計劃已易名為「與香港同行」，高中生可以... 詳情

美芬籲登記選民 提醒搬屋要改地址

【明報專訊】11月就係區議會選舉，經民聯梁美芬噚日聯同該黨區議員同社區幹事，喺黃埔舉行「選民登記啟動日」活動，梁美芬呼籲市民積極登記做選民，... 詳情

10年兩成中學刪設計科技科 教師憂下代不懂換燈泡

【明報專訊】設計與科技科、家政科密不可分，早年大部分學校限制「女生學針黹」、「男生學鋸木」，至1999年平等機會委員會指安排涉性別歧視，漸改... 詳情