【明報專訊】美國駐港澳總領事唐偉康上月底分別喺電視節目同公開演說指出，香港去年發生連串政治事件，以致對高度自治有所憂慮，引起外交部駐港特派員公署提出嚴正交涉。民建聯10多名區議員同成員噚日冒住黃雨，去到美國駐港澳總領事館抗議，身兼觀塘區議員嘅青年民建聯主席顏汶羽批評，唐偉康言論係「抹黑一國兩制」，係不負責任同罔顧事實，話要強烈譴責。 斥唐偉康「抹黑一國兩制」 民建聯副主席、港區人代陳勇早前要求唐偉康向全港市民同全中國人道歉，唐偉康周一話佢嘅演講內容正面，唔覺得要為此道歉，着批評者應先理解佢發言嘅前文後理。民建聯噚日將請願信交畀領事館人員，對方就送上唐偉康2月27日引起風波嘅發言稿全文，唔知民記成員會唔會花少少時間細閱呢？
|
| |
| |
;){kind=small}
