【明報專訊】最近電話通訊程式WhatsApp推出咗新功能，就係可以send sticker畀朋友，用家仲可以自製獨有sticker𠻹！民建聯好緊貼潮流，用佢嗰隻藍色嘅吉祥物「建仔」整咗一套14款嘅WhatsApp stickers畀市民下載，好多個都係日常生活嘅情景。

14款stickers中，除咗常用嘅「掂呀」、「Sorry」、「感謝」、「收到」、「唔係掛(啩)」、「食啲乜」、「我要遲到」，仲有公事上成日用到嘅「請批核」、「聽你指示」等，如果要鬧人可以send「廢話」呢個sticker畀人。「建仔」sticker個個都唔同表情，民建聯話，佢哋未來會繼續按巿民常用語或節日主題推出不同表情，歡迎大家使用同提出建議。

不過民建聯出呢套sticker就唔係個個市民都受，有網民話想要「民建聯最無恥」嘅sticker，亦有人問「點解無張係跪喺度嘅？」