張炳良談政制 「缺普選致施政受阻」
[2018.09.22] 發表
【明報專訊】今年去咗教育大學做研究講座教授嘅前運輸及房屋局長張炳良，噚日?學校分享佢對香港政制嘅分析同研究。佢話香港由於無普選，市民對個政府無信任，政府管治就有好多挑戰同阻力。
教大亞洲及政策研究學系噚日舉辦「政策對話系列」，而張炳良就以「沒有政黨和選票的政府」為題分享睇法。佢話香港政府唔係完全總統制，唔係全議會制，同時又唔係完全內閣制；另外問責制亦唔算清晰，又唔算完全係行政主導等，以前港督有英國政府全力支持，但𠵱家特首就無類似嘅支持。
張炳良又話，只係批評同指摘政府，其實無幫助，解決唔到問題，更重要係大家一齊諗點樣令香港走出𠵱家個困境，佢鼓勵學生積極投身政府部門，為市民服務。
更多港聞
相關新聞
