【明報專訊】香港民族黨召集人陳浩天早前向美國總統特朗普發公開信，促撤銷香港及中國作為世界貿易組織成員身分。特首林鄭月娥噚日形容做法唔合適，唔認為任何理智及合理嘅香港人會咁做；民建聯唔同議員先後狠批陳浩天，繼蔣麗芸鬧佢「唔係人」之後，該黨葛珮帆及陳恒鑌炮轟陳浩天係「漢奸」、「港奸」。 陳恒鑌(Ben)接受建制網媒《幫港出聲》訪問，話「古代有漢奸，而家就有港奸」，形容陳浩天要求撤銷香港?世貿成員身分「其心可誅」，狠批對方想香港斷米路，係對所有港人不敬。阿Ben乘機要求政府要為《基本法》23條立法創造條件，強調23條係保護香港同國家，「要向市民解釋清楚，唔會令市民覺得喺屋企會無故被捕，係陳浩天先會被捕」。葛珮帆亦喺facebook談及陳浩天去信特朗普一事，批評「只有漢奸先做得出。民族黨只會害香港」。蔣麗芸就指摘「陳浩天唔係人」，仲話「本港大學培訓出呢種人，簡直浪費公帑，亦影響香港新一代年輕人形象」。
|
| |
| |
