漁署允縮短檢疫期 方便港人領養澳門賽狗
[2018.06.28] 發表
【明報專訊】逾80年歷史嘅澳門逸園賽狗場將於7月下旬結業，超過600隻格力犬有待領養，港人領養要經一定程序，澳門犬來港要先通過4個月隔離檢疫，但漁護署防疫中心現時爆滿，最快年底先有空位隔離狗狗。香港本土立法會議員毛孟靜(Miss Mo)噚日同署方會面表達訴求，要求為呢批賽狗作特別安排，佢會後透露署方認為賽狗隔離檢疫期可以縮短，兩地政府亦會商討容許賽狗喺澳門做隔離檢疫。
Miss Mo噚日同署理漁護署長蘇炳民會面後話，署方已主動聯絡澳門當局，探討賽狗可唔可以喺澳門嘅合格寵物店或狗酒店做隔離檢疫，佢引述署方話賽狗並非流浪狗，患有狂犬病嘅風險較低，隔離檢疫期可以縮短。
逸園賽狗場喺7月1日下晝3點至6點將舉辦最後一次領養日，逸園強調，其實唔只領養日先可以領養，有心領養者平日都可以聯絡佢哋查詢詳情。逸園早前透露，若未能喺下月完成處理領養事宜，會要求澳門政府延期3個月先收回場地。
更多港聞
歷史檔案館藏品 5.7％數碼化 朱福強呢鋪撐政府﹕唔覺有問題
【明報專訊】科技發達，唔少政府機構都講數碼化，政務司長辦公室噚日書面回覆立法會議員提問，披露咗歷史檔案館數碼化進度，原來檔案館150萬項藏品... 詳情
【明報專訊】本港青年團體近日組團訪問內地，包括深圳、武漢、北京，據稱呢個由全國政協委員霍啟剛帶隊嘅訪問團，將會獲國務院副總理韓正接見，相當高...
詳情
【明報專訊】早前有補習名師被控非法接收文憑試題目，教育局長楊潤雄昨日回應立法會議員有關懷疑試題外泄個案問題，指自首屆文憑試（DSE）推出以來...
詳情
相關新聞
