【明報專訊】政府噚日宣布，再委任蘇澤光(Jack So)做機場管理局主席，任期3年，至2021年5月31日，Jack So曾經?一啲公開場合自嘲自己過去幾份公職都係做「泥水」，照咁睇，佢未來3年唔單止冇得甩身，仲要幫手𥄫住機場三跑工程。 今年已經73歲的Jack So，之前兩份公職做過貿發局主席同港鐵主席兼行政總裁，2007至2015年做貿易發展局主席其中一項主要工作係擴展會展，興建中庭；而1995至2003年做港鐵就負責唔少港鐵路線興建。所以佢自嘲自己係泥水佬，幫手做過唔少工作。 除?Jack So，機管局有3個現任成員獲得再度委任，包括馮婉眉、黃永灝同盛智文，其中馮婉眉嘅任期係一年，至到2019年5月31日；黃永灝同盛智文嘅任期就係3年，至2021年5月31日。另外，現任成員馮孝忠會喺6月1日離任，政府就委任陳靜芬同埋黃冠文兩個新成員。有關任命都係6月1日生效。
|
| |
| |
