【明報專訊】新民主同盟大埔區議員關永業噚日�鐪acebook話自己「第一次去信商務及經濟發展局」，並上載圖片，但「信件」係區議會文件再加佢�鴾熉g字，原來商經局長邱騰華原本應承噚日(21日)去大埔區議會同議員見面，但上星期區議會就發文件畀議員，話局長「突然另有工作」，所以會面取消。關永業似乎非常不滿，去信局長非常唔客氣，寫有「您去死吧」字眼，批評對方約完議員又取消，係唔尊重議會。

譚香文：邱早4日通知已十分好

Emily問過商經局，邱騰華新聞秘書回覆話，局長因有一個跨部門政策會議需要親自出席，所以上周已請大埔民政處另外再訂日子區訪，而區議會亦�鬗W周四通知議員。對於因公事需要另訂區訪日子，局長表示抱歉，「但對於關永業議員在社交平台發放對局長不禮貌的言論，局長表示遺憾」。

關永業呢封信擺上fb後，黃大仙區議員譚香文亦有轉發，但就指其實邱騰華對大埔區議會已十分好，因為對方有早4日通知區議會，仲話上次食物及衛生局長陳肇始要去黃大仙區議會時，係開會前20分鐘先通知局長臨時去唔到。