【明報專訊】近期香港官員都用「遺憾」呢兩個字回應記者受襲，估唔到新民黨葉劉淑儀噚日都用呢兩個字來回應泛民議員。

事緣葉劉擔任一地兩檢草案委員會主席，早前主持會議以「秒速」表決，完成法案審議，佢主持會議?方式引起泛民不滿。24個泛民議員之後向葉劉發聯署信，鬧葉劉身為主席，強行盡快完結會議，無視主席同議員?憲制責任，對一地兩檢法案「違憲」等問題視若無睹，仲用埋「表示遺憾及予以譴責」字眼。

泛民又話，政府係今次破壞《基本法》?「主謀」，而葉劉作為委員會主席，同建制派議員都係「幫兇」。

斥泛民擾議會秩序

葉太噚日就覆信畀泛民，話自己「絕不同意閣下(泛民)對我的無理指摘」，話自己主持會議已經寬鬆處理，又畀議員同官員表達意見。葉劉反指部分聯署?泛民多番擾亂會議?秩序，開會時?座位上叫喊，又話有泛民「拍?拍?」妨礙官員發言，妨礙法案?審議，仲影響埋立法會形象。泛民雖然唔吝嗇「譴責」葉劉，但葉劉同官員一樣，唔會隨便譴責人，臨尾一句只係話「本人表示極度遺憾」。