尹兆堅拍片 賀成功爭取匯豐支票機
[2018.05.16] 發表
民生無小事，民主黨立法會議員尹兆堅噚日喺facebook出片，用幽默諷刺嘅手法，話幾經艱辛終於成功爭取到匯豐銀行喺屯門良景邨設置番個支票機，等街坊唔使行30分鐘去入支票。
早於上年11月，尹兆堅同民主黨屯門區議員黃麗嫦已經同埋街坊一齊行路實測，由良景邨行去最近嘅匯豐入票要幾耐，而噚日段片，係街坊興高采烈咁通知阿尹同黃麗嫦，終於成功向匯豐爭取到支票機喇。有街坊仲親手整埋「成功爭取 唔係吹水 真係做到 市民睇到」橫額，去到民主黨當區辦事處。
表達屯門街坊爭取艱辛
阿尹同黃麗嫦以為班街坊係去多謝佢哋，點知班街坊話要多謝嘅係匯豐，仲要上埋去良景廣場個新支票機度，掛咗張「終於做到嘢成就獎」錦旗畀匯豐銀行。片中嘅阿尹同黃麗嫦就幾次都一場歡喜一場空。
其實上述片段都係一場戲，阿尹喺片尾話，想用輕鬆幽默嘅方法，表達屯門街坊爭取入票機嘅艱辛，希望匯豐等大財團、大機構都可以落實社會責任，唔好遠離市民嘅期望。
更多港聞
當然執委首到鄉局開會 黃永光帶蛋糕同班uncle打招呼
信和置業副主席黃永光早前獲委任做新界太平紳士，根據《鄉議局條例》，佢都自然成為鄉議局嘅當然委員同當然執行委員。佢噚日首次出席鄉議局例會，帶咗... 詳情
墨爾文國際校擬8月開學 必修中文 普通話簡體字教授
【明報專訊】逾150年歷史的英國墨爾文學校（Malvern College）在港首間中小學「海外學校」料於8月開課，每年學費16萬至18.2... 詳情
相關新聞
