小三TSA題目 考起葉建源小編
[2018.04.04] 發表
【明報專訊】小三TSA不時被指引致操練，坊間有形形色色嘅練習，教育界立法會議員葉建源facebook專頁嘅編輯噚日貼文，話日前喺書局見到某本TSA數學練習內一條問題，「搲爆頭、睇埋書」都諗唔通個標準答案，甚至請教埋大學修讀物理，以及考過高考物理科嘅同事，都驗證唔到答案，所以發文向網民求救。究竟係咩問題咁艱深呢？
問題內有兩幅圖(圖)，先假設每袋米重15公斤，左圖描述「小俊」一人未能以滑輪拉繩拉起3袋米，右圖「小俊」加埋「小輝」兩個人就能以同樣方法拉起5袋米。問題提供4個答案選擇，要學生判斷兩人重量，呢本練習就話其中3個選擇係標準答案，包括3袋米重過小俊、小俊同小輝加埋重過5袋米，以及小輝輕過5袋米。葉建源fb小編反問，施力者體重同施力大小有無關係，又話題目如果用天秤而非滑輪，亦似乎比較合理喎。
更多港聞
第21屆校園記者．台導林書宇：劇本申不到資助 寫到申請成功
【明報專訊】台灣電影《百日告別》、《九降風》導演林書宇2018年3月應第23屆ifva獨立短片及影像媒體節邀請，到香港藝術中心出席其兩齣早期... 詳情
相關新聞
