政協王祖藍自覺扮CY好似

[2018.02.22] 發表

【明報專訊】藝人王祖藍以扮鬼扮馬見稱，早前喺演唱會宣傳活動中扮前特首梁振英就獲讚好神似。王祖藍今年獲委任做廣西政協委員，佢喺噚日播出嘅港台節目《星期三主場》提到，都覺得自己扮得好似梁振英，但要扮現任特首林鄭月娥就未必似喇。

講開扮嘢，王祖藍喺訪問中都好坦白，話政治上敏感嘅事，佢都唔太建議喺電視做，而佢扮梁振英都唔會刻意挑起爭議嘅事嚟講。主持人麥嘉緯問佢會否諗吓扮喺機場唱國歌嘅維權人士之類，佢就話其實現時內地主流輿論對呢類內容可以好敏感。

對於做政協會有乜搞作，佢就話「好多嘢做」，想促進藝術及文化交流，甚至點樣幫手擴闊粵語市場。佢話粵語作品巿場可以好大，除咗香港、廣東廣西，仲有東南亞，所以香港演藝界要諗吓點樣做。

更多港聞

【明報專訊】專業議政其中4名議員郭榮鏗、葉建源、邵家臻及梁繼昌，噚日舉行新春傳媒茶敘，無黨派醫學界陳沛然都有現身團拜活動，唔通佢加入咗專業議... 詳情