愛犬病逝心情低落 宣萱：頒獎禮見到就見
[2018.01.21] 發表
【明報專訊】宣萱昨日到港台出席「中學生聲演比賽」。憑劇集《不懂撒嬌的女人》成視后大熱的宣萱，對今日會否出席台慶頒獎禮不置可否，她說﹕「見到就見、見不到就明年見啦！不過好多謝郭晉安、鮑姐(鮑起靜)點名支持我，我已覺得好滿足。」問到是否打定輸數？她說﹕「 隨緣啦，攞獎這些事講好多因素，我覺得現在應先處理好生活上的事，不應該只顧頒獎禮，最近我隻狗病逝，家中剩下最後一隻狗，我需要花時間照顧牠。」宣萱坦言愛犬病逝，自己心裏不舒服，要找朋友傾訴調整心情，她說﹕「隻狗是中年領養的，有一晚回家見牠猛搵窿捐，我已經心知不妙，帶牠去睇急症找不出問題，翌日早上我聞到有異味，打開房門見到牠發羊吊，再帶牠睇醫生，才照到牠身體有腫瘤，慶幸牠病發十幾小時就走，不用受太多折磨。」
記者：鍾一虹
更多影視
相關新聞
