【明報專訊】野外定向大家可能都試玩過，但係模擬身體殘障體會社會設施的「挑戰賽」，就真係唔太多人試過。Emily噚日聽講，香港復康會喺明年1月14日星期日舉辦「無障行者2018」賽事，參加者可以組成小隊，有機會要戴眼罩、坐輪椅去體驗香港，由灣仔到數碼港甚至佐敦街頭行走重重「難關」 ！ 本身係註冊物理治療師嘅復康會副總裁潘經光同Emily講起，社會上對無障礙設施認知仍有限，試過遇到有盲人引路徑，引導視障者撞埋欄杆，名副其實「搵鬼用」。本身出入要用輪椅、患先天脆骨症(又稱玻璃骨)嘅復康會社工何嘉賢分享，社會上對輪椅使用者嘅包容度仲有好大提升空間，講起早兩日用輪椅搭升降機，就無端端畀背後一個男人鬧佢「坐輪椅就唔好出街」，佢諗住忍讓了事，亦幸好熱心女市民以似「女俠」咁，反駁嗰個男子「你好人好者，又去搭𨋢」。 有興趣參加另類障礙賽嘅巿民同機構，可以去復康會網頁報名。 網址﹕www.rehabsociety.org.hk/zh-hant/barrierbusters
|
| |
| |
