遊行上訴委員會 任命葉振都鍾婧薇
[2017.11.11] 發表
【明報專訊】公眾集會、遊行等如果有一定人數參與，主辦團體都要向警方申請，過去民陣曾經就遊行、集會嘅路線、地點等問題爭拗，甚至要向公眾集會及遊行上訴委員會提出上訴。政府噚日公布委員會嘅任命，宣布鍾婧薇同葉振都做上訴委員會委員，任期兩年，今年12月22日生效，兩人都屬於建制派陣營，前者有擔任建制派社團嘅法律顧問，後者就活躍建制派圈子，曾參與反佔中嘅活動。
政府噚日宣布，再度委任高等法院原訟法庭退休法官彭鍵基做上訴委員會主席，委員包括律師會理事陳曉峰、「梁粉」牙醫陳建強、律師會前會長林新強、通訊事務局主席王桂壎等都獲得再度委任。上訴委員會嘅全體委員包括一主席兩副主席同13個成員，全部係非公職人員。
更多港聞
【明報專訊】工黨前主席胡穗珊今年8月突然辭職同退黨，令該黨要喺今月19日提前改選主席同執委。參選報名已經截咗止，副主席郭永健（Steven）...
詳情
【明報專訊】特首林鄭月娥一直強調要有管治新風格，要官員多啲同立法會議員溝通，改善行政立法關係。立法會復會以來，每個星期嘅大會都會有唔同官員準...
詳情
相關新聞
