病友職員好有心 聯網總監驚喜慶生
[2017.10.25] 發表
【明報專訊】醫院管理局港島西醫院聯網噚日舉行2017/18年度工作計劃記者會，咁啱撞正港島西聯網總監陸志聰(左二)生日，一眾熱心病友同工作人員悄悄炮製驚喜，會後幫佢慶祝牛一。
陸志聰發表完年度工作計劃，打算離開之際，就被工作人員帶咗落去葛量洪醫院草地，點知見到大家已經準備咗個水果蛋糕。Emily見佢第一個反應係「O晒嘴」，仲話都幾十歲人，冇諗過大家會幫佢慶祝。Emily見到蛋糕上有支洋酒裝飾，唔知佢平時係咪鍾意品酒呢？
大家為陸志聰唱生日歌，被問到生日願望，佢話除咗想身體健康，仲心繫病人，話每次見到病人接受器官移植後重獲新生，都感到欣慰，所以希望社會對器官捐贈有更多討論，提高捐贈率。
更多港聞
【明報專訊】香港人鍾意趁周末去台灣短遊，但以往都要遵守護照有效期要達6個月以上嘅規定，令唔少護照快到期嘅港人無得去台灣。台灣內政部日前修訂「...
詳情
【明報專訊】港大民研噚日公布最新「十大政治團體」評分，對比起6個月前，差唔多所有政團嘅民望評分都有回升，但都唔過50分。對上一次調查，公民黨...
詳情
相關新聞
