入境台灣 港澳護照有效期放寬
[2017.10.25] 發表
【明報專訊】香港人鍾意趁周末去台灣短遊，但以往都要遵守護照有效期要達6個月以上嘅規定，令唔少護照快到期嘅港人無得去台灣。台灣內政部日前修訂「入出國查驗及資料蒐集利用辦法」草案，放寬護照有效期規定，以後港澳居民入境時，只要所持護照到期日係3個月以上，都可以去台灣。
台北經濟文化辦事處服務組話，今次只係放寬入境規定，而唔係申請規定，當港澳居民需要申請入台證時，護照有效期需達6個月以上，所以使用落地簽證服務嘅港人都要留意，所持護照有效期仍要達6個月以上。據觀光局統計，去年港人遊台人次達147萬，今年頭7個月達88.8萬，較去年同期增長7.1%。
更多港聞
【明報專訊】港大民研噚日公布最新「十大政治團體」評分，對比起6個月前，差唔多所有政團嘅民望評分都有回升，但都唔過50分。對上一次調查，公民黨...
詳情
【明報專訊】青少年自殺問題備受社會關注，特首林鄭月娥委派勞工及福利局長羅致光統籌跨局/部門工作小組，檢視各局在「防止學生自殺委員會」報告的跟...
詳情
相關新聞
