毛孟靜提譴責 何君堯逐個建制發短訊拉票
[2017.10.19] 發表
【明報專訊】今個星期立法會會議嘅議程，包括香港本土毛孟靜喺立法會提出譴責議員何君堯嘅動議，由於噚日會議進度緩慢，估計今日先會進入有關議程，雖然泛民人數較少，預料議案被否決機率極大，不過何君堯都不敢怠慢，Emily就聽聞，建制派噚日各自收到何君堯發嘅拉票短訊，呼籲建制派「緊守立法會內」否決毛孟靜嘅動議。
何君堯用WhatsApp發拉票短訊都算有啲誠意，唔係喺建制派嘅群組發出，而係向每個建制派私下發短訊，佢話知道民建聯陳克勤會提反對毛孟靜嘅動議，其他建制派就會「加入反對行列」，「這點我很多謝各位同事給我鼎力的支持」。
何君堯喺短訊上預告，佢到時會簡單發言，對當日集會上嘅言論引起反響深表遺憾(短訊就寫錯字，寫成「遣憾」)，佢強調自己嘅言論無絲毫煽動暴力，成個集會主題同立場都係「反港毒(編按：獨)和革走戴耀延(編按：廷)」。
佢話希望辯論可以喺6個鐘內完成，然後投票，否決毛孟靜動議，呼籲建制派「緊守立法會內，當响(響)起鐘聲之時，立刻返回大會投票否決毛的動議」。
更多港聞
【明報專訊】Emily上回提到民主黨議員尹兆堅「成功借題發揮」，以政府管治新風格「與民共議」為題，喺噚日立法會大會上提出關於一地兩檢嘅質詢；...
詳情
【明報專訊】10月本係品嘗大閘蟹嘅季節，進出口界立法會議員黃定光（象哥）以往每年都會搞大閘蟹宴，同記者們邊剝蟹邊暢談，但受去年內地大閘蟹驗出...
詳情
【明報專訊】公開大學頒授榮譽博士學位畀4人，分別係有「公職王」之稱嘅行政會議召集人陳智思、基本法委員會副主任梁愛詩、港大前副校長李焯芬，同埋...
詳情
相關新聞
