見鄧家彪囡囡 陸頌雄囝囝變乖
[2017.10.18] 發表
【明報專訊】工聯會立法會議員陸頌雄同新界東總幹事鄧家彪不嬲老友鬼鬼，原來佢哋嘅下一代都好老友，工聯會有時啲聚會都會帶埋細路出席。鄧家彪個囡囡好鍾意「做大戲」，成日踩台板表演，係個小明星。鄧家彪就話，有日屋企個外傭姐姐同佢講，阿囡好受男仔歡迎。佢有日帶個囡囡返學，囡囡就靜雞雞做個手勢話畀鄧家彪知，行喺前面個小男生鍾意自己。陸頌雄話，自己個囝囝平時比較曳，鍾意踢波跑來跑去，但每次見到阿彪位千金，都會即刻一反常態「乖晒」、突然文靜，唔知係咪想擺番個大哥哥嘅款畀阿彪個囡囡睇。兩個老竇講起自己囝囡都特別甜，阿彪話如果第時個女結婚都要先過爸爸嗰關。兩個小朋友年紀相若，都係8歲幾，仲可以話係青梅竹馬，阿彪話「睇下陸小雄有無緣分啦」。
更多港聞
【明報專訊】立法會議員何君堯早前提出「殺無赦」言論，惹來民主派議員狙擊，香港本土毛孟靜就會提出譴責何君堯嘅動議，呢個建議早前已喺內委會提過一...
詳情
【明報專訊】教育局決定下學年落實將初中中史列為獨立必修科，並於本月底就課程展開次輪諮詢，據知當局提出中史科內容調整，包括加入《基本法》的制定...
詳情
相關新聞
