小麗教室辦事處移師旺角
[2017.10.10] 發表
【明報專訊】劉小麗早前被法庭褫奪立法會議員資格，但佢似乎未有放棄九龍西同民生工作，將本來位於金鐘立法會嘅「小麗民主教室」辦事處，移師去到旺角。小麗話，會繼續跟進老人院舍及墟市議題，透露目前做緊院舍巡查計劃，希望保障老人院內嘅長者不受虐待，並盼促進《安老院條例》嘅改革。
同時，小麗嘅團隊亦開展咗「區區有墟」研究計劃，希望透過打通屋邨墟市嘅脈絡，對抗領展，同時會繼續研究各區閒置土地，希望整理出可供墟市使用嘅合適用地。小麗鬥志強勁，唔知明年3月會唔會見到佢重返議會呢？
更多港聞
相關新聞
