【明報專訊】政府早前成立「降低食物中鹽和糖委員會」，希望市民食得健康啲，要推廣低鹽低糖，唔少得宣傳，政府就同委員會合辦「低鹽低糖我識揀標語創作暨海報設計比賽」，海報設計比賽分4個組別，共有75間學校357名學生參加，𠵱家邀請巿民網上投票，喺海報設計優異作品中選出「網上最具人氣獎」。

今次比賽由降低食物中鹽和糖委員會、食衛局、食環署食安中心、衛生署同教育局合辦，旨在推廣健康飲食習慣，提醒學生注意並善用營養標籤，以減少攝取食物中嘅鹽同糖。參賽作品需要表達減少喺膳食中攝取鹽糖，或善用營養標籤去減少喺膳食中攝取鹽糖嘅構思。

評審團已經喺海報設計比賽嘅每個組別選出冠、亞、季軍同另外3份優異作品，等巿民網上投票選出「網上最具人氣獎」。24份候選海報設計已上載到網站(www.lowsaltlowsugar.com)，巿民即日起至10月9號中午12點前都可以上網站投票。