【明報專訊】北區墟市聯席將會喺未來兩個星期日(9月17同24號)以及10月5號，下晝1點至6點喺上水石湖墟臨時農產品批發市場及農產品分銷點(天光墟)舉辦「北區墟市節」，除咗有農產同手作墟市，仲會有天光墟口述歷史展覽、現場表演同工作坊等。 北區墟市節噚日舉行開幕禮，民主黨北區區議員林卓廷致辭時話，北區受到水貨客影響，希望透過墟市讓街坊有更多選擇。 北區墟市聯席就希望透過舉行墟市節活動，重建社區聯繫、發展社區經濟同扶助社區小店。 墟市售賣唔同物品，亦會因應北區居民嘅需要同特色嚟調整。目前主要售賣本地農產品、自家製品、乾貨、衣物、手工藝同二手物交換等； 墟市節亦會設社區導賞團、工作坊、音樂表演、展覽、論壇同講座等活動。
|
| |
| |
