【明報專訊】電影《樹大招風》前晚在電影金像獎頒獎禮上橫掃5個大獎，包括最佳男主角、最佳電影、最佳導演、最佳剪接及最佳編劇成為大贏家，團隊完騷後即拉隊到尖沙嘴舉行慶功宴，出爐影帝林家棟舉起獎座表現興奮，失落影帝的好拍檔任賢齊仍戥拍檔開心，與家棟「交戲」玩搶獎。而林家棟的「伯樂」劉德華，雖然仍在家中養傷，也不忘在官網留言恭喜家棟。
林家棟吐氣揚眉首度獲封金像影帝，作為林家棟的「伯樂」劉德華，雖然仍在家中養傷，不過他亦有留意電影金像獎頒獎禮消息，更在自己官網留言恭喜林家棟，華仔以「你是最好的」為題，上載與家棟合照，祝賀對方稱帝﹕「恭喜影帝﹗恭喜家棟，你的努力，我看到了，電影圈也看到了！為你驕傲……」華仔的鼓勵，林家棟更是感激。
家棟母親見證得獎一刻
林家棟前晚在慶功宴上形容得獎心情像多年來支持他的親友，看着他拿下的第一張成績單，他說﹕「初初離開TVB經歷高低起伏，好多人有鼓勵、關心我，都令我滴晒汗，好似我契媽夏萍，經常話不知道我做緊什麼，聽到的確有壓力，不過契媽惜我才畀壓力我，今日總算有一個交代，令大家不用太擔心。我會繼續追呢個夢，個夢仲未醒。」會否加片酬？他說無想過﹕「反而想睇吓有無團隊可以繼續合作。」對於小齊表示無片酬？家棟開玩笑說﹕「我有收喎！乜佢咁蠢呀！但我只收車馬費，無所謂啦，我相信監製杜琪峯，這部戲的導演和監製都識了10幾年，大家好好朋友，不是用錢去衡量，希望將來可以再合作，又想跟陳小春、小齊拍套喜劇。」
小齊與家棟合照時扮搶影帝獎座，表示要借個獎座回家擺放一個月。家棟爽快答應﹕「醒畀佢又如何？我已經有張成績單，他日去見天父都有呢張成績單，好多謝杜Sir(杜琪峯)和老闆林建岳。」家棟指媽媽也有應邀出席頒獎禮，見證其歷史性一刻，他說﹕「我讀完藝員訓練班後搵食艱難，媽媽都好支持我，仲叫我揀了這條路就要做、要負責，不要怨，現在做到成績都叫做向林家交代。」談到《樹大招風》被內地封殺？家棟認為無需要想太多﹕「鍾意睇的人自有方法去睇，就算去南非播，無人鍾意都會熄機。」
小齊「搶獎座」擺屋企一個月
爭輸影帝寶座的小齊表示沒有失落，他說﹕「有得入圍已是肯定，好開心套戲拿了好多獎，家棟拿影帝我都好開心，我自己會繼續努力，入圍多幾次，說不定可以攞獎呢！ 」講到他合照扮搶家棟的影帝獎項？小齊笑言﹕「借一個月，放在我屋企啦！小春在匈牙利拍戲都有傳短訊叫我們加油，好感動！」有指他今次減片酬接演該片？小齊說﹕「是無片酬，可能仲有蝕，杜Sir叫我開工，我立即買機票由北京返港，不過多謝他畀機會我由歌手轉型做演員。」他透露手上有幾個劇本，希望未來挑戰監製、編劇和導演崗位。
3導演多謝杜Sir給創作自由
「最佳導演」由《樹大招風》的歐文傑、黃偉傑及許學文奪得，被問到有傳導演歐文傑因拍過電影《十年》而遭內地封殺，連帶《樹大招風》也受影響被消失？黃偉傑力撐拍檔道﹕「不覺得，我們拍香港電影，多謝監製杜Sir畀百分百創作自由我哋，無改過任何東西，我們都好尊重他。」將來也堅持做自己想拍的電影？許學文回應﹕「一定會！」黃偉傑續道﹕「作為創作者，我們都有自己意欲、希望想講的古仔，做有良心的戲，會堅持。」會否繼續拍社會題材電影去發聲？歐文傑直言﹕「我們做創作唔會這樣想，主要睇個題材能不能觸動、感動到我們，不關政治、審查上的問題。」
成龍被暗窒搶高收視？
TVB前晚直播金像獎頒獎禮，平均收視22.3，最高24點(觀眾人數約160萬)。最高收視時段10時34分，由盧惠光、陳惠敏與梁小龍頒「最佳動作設計」時，三人一唱一和有認為在暗窒成龍攞奧斯卡「老人獎」。周六《與諜同謀》播映大結局，平均收視20.1，最高22.3，全劇平均收視23點。大結局不升反跌，會否跟男主角鄭俊弘陷「賤男」危機影響？
記者﹕鍾一虹
攝影﹕梁梓烜
■更多娛樂猛料 ﹕ol.mingpao.com
;){kind=small}
;){kind=small}
;){kind=small}
